Dor bün ik wedder - un kiekt mal, wat ik allens mitbracht hebb :)

PaulEberhardt on July 12, 2014

Moin Le!
Nu bn ik woller dor, dt mal ok wohraftig!
Deit mi bannig leed, dat ik so lang wech weer. Vr'n paar Manden duch ik jmmers noch, dat dat nich mehr lang duert, bet ik woller neie Comicsieten in't Nett stellen kann, aber, as dat so is, keem dor jmmers wat tweschen. Ik will dor ok gor nich veel ver snacken, blots dat bi mi man allens so'n beten drenanner gahn is. Nu hebb ik aber woll allens woller in'n Gripp. Dorto muss ik aber erst mal fr'n paar Manden nach England utwannern, nach Gloucester (man seggt aber Gloster), wenn ji't nipp un nau weten wllt. To'n Eenen is dat man goot, denn ik mutt mit mien Utbillen as'n Engelschlehrer wieterkamen, to'n Annern heet dat aber, dat ik nich all mien Tekentg in'n Fleger mitkregen kunn, un ik kp mi de Farven hier ok nich all nei - so lang bliff ik hier nu ok woller nich. Ok so hebb ik aber noch'n paar bunte Billers fardig kregen, un de hebbt nu vun mi den letzten Sleep an'n Rekner kregen. Is man'n Anfang. Un'n neie Comicsiet hebb ik ok al tekent, un dat gifft ok noch welke nach. Ik kann jo seggen, ik frei mi, dat ik dat woller maken kann. Dat weer, as wenn'n Stck vun mi jichenswo verschtt gahn weer.
Ik fang mit dsse neien Biller hier an Gundi ehr Stuvenwand an, op de all noch mal vrstellt warden. So markt denn de Skmaschienen un so wieter ok, dat hier woller wat passeert.
Dat is een vun de Saken, de ik al lang mal maken wull. Gundula un de Stuventiger gifft dat al siet binah fief Johr un hett al mehr as 200 Sieten (un de snd faken dree oder veer Sieten lang!), un denn glv ik mal, muss ik dor doch wat fr de maken, de just erst dorto funnen hebbt. Anners finnt sik man keeneen mehr torecht, snnerlich wenn he villicht noch nich so veel op Platt leest hett.
Ik glv aber ok, dat dat ok fr de, de dt Comic al bannig goot kennt, ganz hglich warden kann. In dsse Vrstellen kann'n man noch'n beten wat vun dsse Minschen un Beester rutkregen, dat in'n Comic noch nich so klaar weer - just wiel't bet vundag noch nich in de Vertellen rinpasst hett. Mi schall ok verlangen, wat ji dor vun dinkt. Of ik se goot vrstellt hebb un so. Wenn'n dat slbens maakt kann'n woll licht mal “Betriebsblind” warden.
Dank ok an all de, de woller rinkieken. Un an de, de to'n ersten Mal hier rinkieken un dat goot finnt. Mi hett dat hier echt fehlt!